Mahalaxmi Bikas Bank customers get special discount on the services of various institutions

June 20, 2023

महालक्ष्मी विकास बैंक लिमिटेडले स्वास्थ्य, होटल तथा रेष्टुरेन्ट साथै कला क्षेत्रका संस्थासँग समन्वय गरी अगाडि बढ्ने अभिप्रायका साथ विभिन्न स्थानमा अवस्थित संस्थाहरुसँग सम्झौता गरेको छ ।

सम्झौता पश्चात महालक्ष्मी विकास बैंकका डेविट अथवा क्रेडिट कार्ड तथा मोबाइल बैंकिङ्ग प्रयोग गर्ने ग्राहकहरुले उक्त संस्थाहरुका विभिन्न सेवाहरुमा विशेष छुट प्राप्त गर्न सक्नेछन् । बैंकका ग्राहकहरुले विशालनगर, काठमाडौंमा अवस्थित एरोगेन हेल्थ केयर का विभिन्न सेवाहरुमा ५% देखि अधिकतम ४५% (हेयर ट्रान्सप्लाण्ट एण्ड हेयर फल ट्रिटमेण्ट), इटहरी, सुनसरीमा अवस्थित होटल पाथिभरा इन्ट्रनेशनलका सेवाहरुमा १०%, मैतिदेवी काठमाडौंमा अवस्थित बुइगल लञ्ज एण्ट बार का सेवाहरुमा १५%, लाजिम्पाट, काठमाडौंमा अवस्थित एलो हात्तीका सेवाहरुमा अधिकतम १०%, इटहरी ०६, सुनसरीमा अवस्थित बर्गर हाउस एण्ट क्रन्ची प्राइड चिकनका सेवाहरुमा अधिकतम १०% र मैतिदेवी, काठमाडौंमा अवस्थित बर्गर हाउस एण्ट क्रन्ची प्राइड चिकनका सेवाहरुमा १०% को छुट प्राप्त गर्न सक्नेछन् ।

यस किसिमको सहकार्यबाट बैंकका डेविट अथवा क्रेडिट कार्ड तथा मोबाइल बैंकिङ्ग प्रयोग गर्ने ग्राहकहरु प्रत्यक्ष रुपमा लाभान्वित हुने विश्वास बैंकले लिएको छ । यसका साथसाथै डिजिटल युगसँग नेपाली जनतालाई साक्ष।तकार गराउने उद्देश्यले बैकले विभिन्न शाखाहरुबाट वित्तीय जनचेतनामुलक कार्यक्रमहरु संचालन गर्दै आएको छ ।